15 ақпан 2019 жылы, Есік гуманитарлық-экономикалық колледжінің мәжіліс залында Еңбекшіқазақ ауданы әкімдігі мен колледждің бірлесіп ұйымдастыруымен Кеңес әскерлерінің Ауған жерінен шығарылғанына 30 жыл толуына орай ауған соғысы ардагерлерімен кездесу өтті. Кездесуге колледжде оқитын болашақ Отан қорғаушылар, Есік қаласы мен ауылдық округ әкімдері, ауданның белсенді жастары қатысты.
10 жылға созылған ауған жеріндегі майданға 22 269 қазақстандық аттанса, оның 924-і қаза тапқан. 1015-і әр түрлі деңгейдегі жарақат алып, 21 жауынгер із-түссіз кеткен. Ұйымдастырушылардың айтуынша, мұндай іс-шаралар өскелең ұрпақтың бойында патриоттық сезім ұялатып, рухани және тарихи құндылықтарды қастерлеуге үйретеді. Жастардың зұлмат соғыс жайында көлденең ақпарлардан білмей, ардагерлердің өз аузынан естуі өзекті.
Кездесу барысында ауған соғыс ардагерлеріне Кеңес әскерінің Ауғанстаннан шығарылғанына 30 жыл толуына арналған естелік медальдар, аудан әкімдігі тарапынан Алғыс хаттар табысталып, соңы концерттік бағдарламаға ұласты.
